Data: xullo de 2021
Esta novo número do ‘Arredista!’, ademais de cumprir co habitual número que lanzamos o Día da Patria, supón o décimo aniversario na súa edición ininterrompida desde aquel primeiro número en xullo de 2009.
Nesta andaina a nosa vontade foi publicar unha revista para o debate político e a reflexión pausada, a través de artigos e entrevistas co obxectivo de botar luz sobre os temas máis importantes en cada momento ou achegando análises ideolóxicas de fondo.
Nesta edición debullamos a táctica e a estratexia do soberanismo galego, a simbiose entre o fascismo e o capitalismo, o grave problema do xogo e das casas de apostas nas capas populares, o acontecido en Venezuela nos últimos meses, o problema do monocultivo do eucalipto en Galiza e realizamos dúas entrevistas co gallo do conflito co convenio das ambulancias e os 25 anos da CIG.
Pensamos que neste décimo aniversario, é hora de dar un paso máis para vehicular as nosas reflexións. Por iso lanzamos o portal arredista.gal. Nel atoparás de xeito ordenado todos os artigos publicados nos 21 números da revista e outros que viron a luz con anterioridade noutros medios de comunicación dixitais.
Ademais ten vocación de ser un sitio web vivo, con publicacións periódicas que complementarán a edición do Arredista en papel. Boa lectura!
